עמוד רמב, דברים, פרשת וילך/האזינו פרק לא-לב , מפסוק לא:כח עד לב:כב
ואעידה בם את השמים ואת הארץ כי ידעתי
אחרי מותי כי השחת תשחתון וסרתם מן
הדרך אשר צויתי אתכם וקראת אתכם הרעה
באחרית הימים כי תעשו את הרע בעיני יהוה
להכעיסו במעשה ידיכם וידבר משה באזני כל
קהל ישראל את דברי השירה הזאת עד תמם
האזינו השמים ואדברה ותשמע הארץ אמרי פי
יערף כמטר לקחי תזל כטל אמרתי
כשעירם עלי דשא וכרביבים עלי עשב
כי שם יהוה אקרא הבו גדל לאלהינו
הצור תמים פעלו כי כל דרכיו משפט
אל אמונה ואין עול צדיק וישר הוא
שחת לו לא בניו מומם דור עקש ופתלתל
ה ליהוה תגמלו זאת עם נבל ולא חכם
הלוא הוא אביך קנך הוא עשך ויכננך
זכר ימות עולם בינו שנות דר ודר
שאל אביך ויגדך זקניך ויאמרו לך
בהנחל עליון גוים בהפרידו בני אדם
יצב גבלת עמים למספר בני ישראל
כי חלק יהוה עמו יעקב חבל נחלתו
ימצאהו בארץ מדבר ובתהו ילל ישמן
יסבבנהו יבוננהו יצרנהו כאישון עינו
כנשר יעיר קנו על גוזליו ירחף
יפרש כנפיו יקחהו ישאהו על אברתו
יהוה בדד ינחנו ואין עמו אל נכר
ירכבהו על במותי ארץ ויאכל תנובת שדי
וינקהו דבש מסלע ושמן מחלמיש צור
חמאת בקר וחלב צאן עם חלב כרים
ואילים בני בשן ועתודים עם חלב כליות חטה
ודם ענב תשתה חמר וישמן ישרון ויבעט
שמנת עבית כשית ויטש אלוה עשהו
וינבל צור ישעתו יקנאהו בזרים
בתועבת יכעיסהו יזבחו לשדים לא אלה
אלהים לא ידעום חדשים מקרב באו
לא שערום אבתיכם צור ילדך תשי
ותשכח אל מחללך וירא יהוה וינאץ
מכעס בניו ובנתיו ויאמר אסתירה פני מהם
אראה מה אחריתם כי דור תהפכת המה
בנים לא אמן בם הם קנאוני בלא אל
כעסוני בהבליהם ואני אקניאם בלא עם
בגוי נבל אכעיסם כי אש קדחה באפי
האזינו השמים ואדברה
יערף כמטר לקחי
כשעירם עלי דשא
כי שם יהוה אקרא
הצור תמים פעלו
אל אמונה ואין עול
שחת לו לא בניו מומם
ה ליהוה תגמלו זאת
הלוא הוא אביך קנך
זכר ימות עולם
שאל אביך ויגדך
בהנחל עליון גוים
יצב גבלת עמים
כי חלק יהוה עמו
ימצאהו בארץ מדבר
יסבבנהו יבוננהו
כנשר יעיר קנו
יפרש כנפיו יקחהו
יהוה בדד ינחנו
ירכבהו על במותי ארץ
וינקהו דבש מסלע
חמאת בקר וחלב צאן
ואילים בני בשן ועתודים
ודם ענב תשתה חמר
שמנת עבית כשית
וינבל צור ישעתו
בתועבת יכעיסהו
אלהים לא ידעום
לא שערום אבתיכם
ותשכח אל מחללך
מכעס בניו ובנתיו
אראה מה אחריתם
בנים לא אמן בם
כעסוני בהבליהם
בגוי נבל אכעיסם
ותשמע הארץ אמרי פי
תזל כטל אמרתי
וכרביבים עלי עשב
הבו גדל לאלהינו
כי כל דרכיו משפט
צדיק וישר הוא
דור עקש ופתלתל
עם נבל ולא חכם
הוא עשך ויכננך
בינו שנות דר ודר
זקניך ויאמרו לך
בהפרידו בני אדם
למספר בני ישראל
יעקב חבל נחלתו
ובתהו ילל ישמן
יצרנהו כאישון עינו
על גוזליו ירחף
ישאהו על אברתו
ואין עמו אל נכר
ויאכל תנובת שדי
ושמן מחלמיש צור
עם חלב כרים
עם חלב כליות חטה
וישמן ישרון ויבעט
ויטש אלוה עשהו
יקנאהו בזרים
יזבחו לשדים לא אלה
חדשים מקרב באו
צור ילדך תשי
וירא יהוה וינאץ
ויאמר אסתירה פני מהם
כי דור תהפכת המה
הם קנאוני בלא אל
ואני אקניאם בלא עם
כי אש קדחה באפי